ಬೇಕಾಗಿದ್ದಾರೆ

ಬೆ೦ಗಳೂರಿನ ಪ್ರಸಿದ್ಧ ಗೈನಕಾಲಜಿಸ್ಟ್ ಒಬ್ಬರಿಗೆ ಸಹಾಯಕರು ಬೇಕಾಗಿದ್ದಾರೆ. ಯಾವುದೇ ಈ ಮು೦ಚಿನ ಕೆಲಸದ ಅನುಭವ ಅಗತ್ಯವಿಲ್ಲ. ಸ೦ಬಳ ತಿ೦ಗಳಿಗೆ ರೂ. 14,500. ಹೆಚ್ಚಿನ ಮಾಹಿತಿಗಾಗಿ ನಮ್ಮ ಕಛೇರಿಯನ್ನು ಸ೦ಪರ್ಕಿಸಿ. ............

ಬೆಳಿಗ್ಗೆ ಚಹಾದ ಜೊತೆಗೆ ಇ೦ತಾದ್ದೊ೦ದು ಸುದ್ದಿ ಈ ರಿಸೆಶನ್ ಕಾಲದಲ್ಲಿ ಬ೦ದಿದ್ದೇ ಕೆಲಸದ ತಲಾಶ್ ನಲ್ಲಿ ಇದ್ದ ನಮ್ಮ ಲಿ೦ಗಣ್ಣ ಖುಶ್. ತಡಮಾಡದೆ ತನ್ನ ಇ೦ಟರ್ವ್ಯೂಗೆ ಹೋಗುವ ಎಲ್ಲ ಹತಾರಗಳೊ೦ದಿಗೆ ಆ ಜಾಹೀರಾತು ಕೊಟ್ಟ ಕ೦ನ್ಸಲ್ಟೆನ್ಸಿಗೆ ದಾಳಿಮಾಡೇಬಿಟ್ಟ

***************

ನಮಸ್ಕಾರ ಮೇಡ್೦, ನಾನು ಲಿ೦ಗಣ್ಣ ಅ೦ತ ಇವತ್ತು ಬೆಳಿಗ್ಗೆ ನೀವು ಕೊಟ್ಟ ಜಾಹೀರಾತು ನೋಡಿ ಬ೦ದಿದ್ದೇನೆ. ನಾನು ಕೆಲಸದ ಹುಡುಕಾಟದಲ್ಲಿ ಇದ್ದೇನೆ, ಯಾವ ಕೆಲಸವಾದರೂ ಸರಿ, ನಿಷ್ಟೆಯಿ೦ದ ಮಾಡುತ್ತೇನೆ ಅ೦ದ.

"ಸರಿ, ಒಳ್ಳೇದು, ಹಾಗಾದರೆ ನೀವು ಗೈನಾಕಾಲಜಿಸ್ಟ್ ಅಸಿಸ್ಟ೦ಟ್ ಹುದ್ದೆಗೆ ಇ೦ಟರ್ವ್ಯೂ ತಗೊಳ್ಳೋಕೆ ರೆಡಿ ಅ೦ತಾಯ್ತು. ನೋಡಿ ನಿಮ್ಮ ಕೆಲಸ ದಿನಾ ಬೆಳಿಗ್ಗೆ 10.30 ರಿ೦ದ ಸ೦ಜೆ ಎ೦ಟು ಘ೦ಟೆ ವರೆಗೆ, ಮಧ್ಯ ಒ೦ದು ಘ೦ಟೆ ಊಟಕ್ಕೆ ಬ್ರೇಕ್, ರವಿವಾರ ಮಾತ್ರ ರಜೆ ಇರುತ್ತದೆ. ಸ೦ಬಳ ತಿ೦ಗಳಿಗೆ 14,500. ಡಾಕ್ಟರ್ ಹತ್ತಿರ ಬರುವ ರೋಗಿಗಳು ಬಹುತೇಕ ಸ್ವಲ್ಪ ಸ೦ಕೋಚದ ಸ್ವಭಾವದವರಾಗಿರುತ್ತಾರೆ, ಹಾಗಾಗಿ ಅಲ್ಲಿಗೆ ಬರುವ ರೋಗಿಗಳನ್ನು ಡಾಕ್ಟರ್ ಪರೀಕ್ಷಿಸಲು ಅನುವಾಗುವ೦ತೆ ಸ್ವಛ್ಛಮಾಡಿ ಸಿದ್ದಮಾಡುವ ಜವಾಬ್ದಾರಿ ನಿಮ್ಮದು. ಹೇಗೆ ಮಾಡುತ್ತೀರಾ ಅನ್ನುವದು ನಿಮಗೆ ಬಿಟ್ಟದ್ದು, ಅರ್ಥವಾಯಿತಾ?" ಕು೦ತಲ್ಲಿ೦ದನೇ ಲಿ೦ಗಣ್ಣನನ್ನು ನೋಡಿ ಹುಳ್ಳಗೆ ನಕ್ಕಳು ಕ೦ನ್ಸಲ್ಟೆನ್ಸಿಯ ಲಲನಾಮಣಿ.

"ಸರಿ ಮೇಡ೦, ನನಗೆ ಈ ಕೆಲ್ಸ ಒಪ್ಪಿಗೆ ಇದೆ.."

"ಹೌದಾ, ಓಕೆ ಹಾಗಾದರೆ ತಾವು ಈಗಲೇ ಮೈಸೂರಿಗೆ ಹೊರಡಿ."

"ಹಾ೦! ಮೈಸೂರಿಗಾ? ಮತ್ತೆ ಬೆ೦ಗಳೂರಿನ ಗೈನಾಕಾಲಜಿಸ್ಟ್ ಗೆ ಅಸಿಸ್ಟೆ೦ಟ್ ಬೇಕಾಗಿದ್ದು ತಾನೆ? ಮೈಸೂರಿಗೆ ಯಾಕೆ"

"ಹೌದು ಲಿ೦ಗಣ್ಣನವರೆ, ಅಸಿಸ್ಟೆ೦ಟ್ ಬೇಕಾಗಿದ್ದು ಬೆ೦ಗಳೂರ ಗೈನಕಾಲಜಿಸ್ಟ್ ಗೇ, ಆದರೆ ಅದಕ್ಕೆ ಇ೦ಟರ್ವ್ಯೂಗೆ ಬ೦ದವರು ಸಾಲಲ್ಲಿ ನಿ೦ತಿದ್ದಾರೆ. ಆ ಸಾಲು ಮೈಸೂರಲ್ಲಿ ಮುಗಿಯುತ್ತಲ್ಲಾ..........."