ಒಂದೆರಡು ಹನಿಗಳು

ಎಂದೋ ಬರೆದು ಬಚ್ಚಿಟ್ಟಿದ್ದ ನಾಲ್ಕು ಪುಟ್ಟ ಹನಿಗಳನ್ನು ಈಗ ಧೈರ್ಯದಿಂದ ಪಬ್ಲಿಷ್ ಮಾಡುತ್ತಿದ್ದೇನೆ; ಸ್ವೀಕರಿಸಿ.. (!)

ನೀನು ದಟ್ಟ ಕಾಡಿನ ಮಧ್ಯೆ
ಸುಪ್ತವಾಗಿ ಹರಿಯುವ ನಿತ್ಯನದಿ
ನಾನು, ಯಾರಿಗೂ ಕಾಣದಂತೆ
ಗುಪ್ತವಾಗಿ ಬಂದು ನೀರು ಕುಡಿದುಹೋಗುವ ಹುಲಿ!

* * *

ಅರಳಿದೆ ನೀನು:
ಸೂರ್ಯನ ಬೆಳಕಿಗೆ ಅರಳುವಂತೆ ಹೂವು
ನಕ್ಕೆ ನೀನು:
ದುಂಬಿಯ ಕಚಗುಳಿಗೆ ನಗುವಂತೆ ಹೂವು
ಸುಖದಲ್ಲಿ ನರಳಿದೆ ನೀನು:
ಮಕರಂಧವನ್ನು ಕಳೆದುಕೊಳ್ಳುವಾಗ ನರಳುವಂತೆ ಹೂವು

* * *

ಇಲ್ಲಿ ಭರ್ಜರಿ ಚಳಿಯಿದೆ:
ಒಂದು ಅಗ್ಗಿಷ್ಟಿಕೆಗಾಗುವಷ್ಟು.
ಕನಿಷ್ಟ ಎರಡು ಕಂಬಳಿ ಬೇಕು;
ಅಥವಾ ಒಂದು ಐಶ್ವರ್ಯ ರೈ ಸಾಕು!

* * *

ನಿನ್ನ ಬೆವೆತ ದೇಹದ ಜೊತೆ
ನಾನು ಬೆರೆತು ರಚಿಸಿದ ಕಾವ್ಯದ ಹೆಸರು
'ಕಾಮ'