Showing posts with label ಕಾಮಸೂತ್ರ. Show all posts
Showing posts with label ಕಾಮಸೂತ್ರ. Show all posts

Thursday, December 11, 2008

ಹೊಸ ಕಾಮಸೂತ್ರ ಚಿಹ್ನೆಗಳು

’ಪುಸ್ತಕದ ಹುಳು’ಗಳಿಗೆ:

ಸಂಗೀತ ಪ್ರೇಮಿಗಳಿಗೆ:



21ನೇ ಶತಮಾನದ ಮಂದಿಗೆ:


ಇವು ’ಕಾಮಾ’ಸೂತ್ರ ಚಿಹ್ನೆಗಳು:


ಮತ್ತಿದು, ಕವಾ(ಸಕಿ)ಸೂತ್ರಗಳು:

Wednesday, July 23, 2008

ಕಾಮಸೂತ್ರ -೩

ಮೋಡ ಬಿತ್ತಿದ್ದಕ್ಕೋ ಅಲ್ಲವೋ, ಅಂತೂ ಮಳೆ ಶುರುವಾಗಿದೆ. ಹೊರಗೆ ನಭಕೂ ಭುವಿಗೂ ರಾತ್ರಿಯಿಡೀ ಪ್ರಣಯೋತ್ಸವ ನಡೆಯುತ್ತಿದ್ದರೆ, ಒಳಗೆ, ಅಂತಃಪುರದಲ್ಲಿ, ಚಂದ್ರಮಂಚದಲ್ಲಿ, ಹೊದಿಕೆಯಡಿಯಲ್ಲಿ... ನಿಮ್ಮ ದೇಹ ಬೆಚ್ಚಗಿರಲಿ ಅಂತ ಹಾರೈಸುತ್ತಾ, ಗಂಗಾಧರ ಚಿತ್ತಾಲರ 'ಕಾಮಸೂತ್ರ' ಕವನದ ಉಳಿದ ಭಾಗವನ್ನು ಇಲ್ಲಿ ಕೊಡುತ್ತಿದ್ದೇವೆ.

*
ಕನಸು ತಲೆಯಲ್ಲಿ ತುಂಬಿದಂಥ ಹುಡುಗ
ಕಳ್ಳನೋಟವ ಕಸಿದುಕೊಳುವ ತುಡುಗ

ಕೊಬ್ಬೇರಿ ನಡೆದಿರುವೆ ಮಬ್ಬಿನಲಿ
ಬಾಳ ದಿಬ್ಬವನೇರ್ವ ಉಬ್ಬಿನಲ್ಲಿ.

ದನಿಯಲ್ಲಿ ಗಡುಸು, ಜಂಘೆಯಲೆಲ್ಲ ಬಿರುಸು
ಅಂಗಾಂಗದಲಿ ಗೂಳಿಮದ ಬಂತು ಉಗ್ಗಿ

ಗಂಡುಸಿನ ವಾರ್ತೆ ದಾಳಿಯೊಲು ನುಗ್ಗಿ
ಚೆಲ್ಲಾಡಿಸುತ ಮನವನಲ್ಲಾಡಿಸುತ ಬಂತು

ಬಡಿದೆಬ್ಬಿಸುತ ಬಂತು ಅಲಲ ಕೀಹಾ ಎಂದು
ಕೊರಳುಬ್ಬಿಸುತ ಬಂತು ಕಹಳೆಯೂದಿ.

ಹಾಲಿನೊಲು ಉಂಡ ನಿನ್ನೆಯ ಹಸುಳೆ- ಜಗವಿಂದು
ಕದಡಿ ಕವಲೊಡೆಯುತ್ತಿದೆ
ಬೇರೊಂದು ಹದಕೆ ಧುಮ್ಮಿಕ್ಕಿ ದುಂದುಮಿಸಿ ಬೆದೆ
ಗೊಳಲು ತುಡಿಯುತಿದೆ

ಒಮ್ಮೆಯ ತೊರೆದು ಇಮ್ಮೆಯ ಪಡೆಯುತಿದೆ
ಯೋನಿಮುಖ ತೋರಿ ಒಳನೀರು ಕಡೆಯುತಿದೆ

ಹೆಣ ವಾಸನೆ ಬಂದು ಮೂಗಿನಲಿ ಹೊಡೆಯುತಿದೆ.
ಕಾಮೋನ್ಮುಖ ಆಹಾ ಯೋನಿಚಕಿತಾ!

ಗೆಲಲು ಎದ್ದವನಂತೆ,
ಲೋಕಕ್ಕು ಹೊಸತಾದ ಕಂಪ ಮೆದ್ದವನಂತೆ,
ಹೊಳ್ಳೆ ಹಿಗ್ಗಿಸಿ ನಡೆವೆ ಗಾಳಿಗುಂಟಾ
ಎಡೆಮೂಸಿ ಹುಡುಕುತ್ತ ಯುಗದ ನಂಟಾ.

ಕೆಚ್ಚೆನೆಯೇ ಬಿಚ್ಚುತಿದೆ ಎಲ್ಲೊ ನಿನಗೆ
ಬೆಚ್ಚನೆಯ ತೊಡೆಯ ಹೂ ಕಾದು ಗೊನೆಗೆ

ಆಕೆಗೋ ನೆಲ ಕಾಣ, ನಿನಗೆ ದೇಶವೆ ಕಾಣ
ಲೋಹಚುಂಬಿಸಿದೆ ಗುರಿ, ಹೆದೆಗೇರುತಿದೆ ಪ್ರಾಣ.

ಇನ್ನು ನಿಲಲಿಹ ನೆತ್ತಿಗೇರಿ ಭಾನು
ಒಂದೆ ಋತುಕಾಲ; ಆದರು ಅವನ ಸಿರಿಯೇನು!
ಹುಚ್ಚೆದ್ದು ಹೂತು ಹೂಗರೇರಿ ಹಣ್ಣುವವಯ್ಯ
ಶೃಂಗ - ಸಾನು

ಇನ್ನು ತೋಟಕೆ ನುಗ್ಗಿ ಬೇಟೆ ಬೇಟ
ಗುಟ್ಟಿನಲಿ ಕೂಡಿ ಮೈಯಣಿಸುವಾಟ
ಸುಳಿಯೊಡೆದು ಹೊಸ ಜೀವ ಬರುವ ಮಾಟ!

ಈಗಾಗಲೇ ಮೋಟುಗೋಡೆಯಲ್ಲಿ: ಕಾಮಸೂತ್ರ-೧
ಕಾಮಸೂತ್ರ-೨

[ಫ್ಲಾಶ್ ನ್ಯೂಸ್! ಪರಿಸರಪ್ರೇಮಿ ಅರುಣ್ ಈಗ ಮೋಟುಗೋಡೆ ಟೀಮ್ ಮೆಂಬರ್ ಆಗಿದ್ದಾರೆ. ಅವರಿಂದ ಬರಲಿರುವ ತರಹೇವಾರಿ ಪೋಸ್ಟುಗಳಿಗಾಗಿ ನಿರೀಕ್ಷಿಸಿ!]

Wednesday, November 14, 2007

ಚಳಿಗಾಲಕ್ಕೊಂದು ಬೆಚ್ಚನೆ ಕವಿತೆ

ವಿರಹಿಗಳಿಗಿದು ಕಷ್ಟಕಾಲ. ಚಳಿಗಾಲ ಶುರುವಾಗಿಬಿಟ್ಟಿದೆ. ಎಷ್ಟು ಕಂಬಳಿ ಹೊದ್ದುಕೊಂಡರೂ ಕೊನೆಗೂ ಸಂದಿಯಿಂದೆಲ್ಲೋ ತೂರಿ ಬರುವ ಚಳಿಯ ಸುಳಿಗಾಳಿ. ಚಡಪಡಿಸುವಂತೆ ಮಾಡುವ, ಮತ್ತಷ್ಟು ಮತ್ತಷ್ಟು ಮುರುಟಿ ಮಲಗುವಂತೆ ಮಾಡುವ ಪಾಪಿ. ಹೆಂಡತಿಯನ್ನು ತವರಿಗೆ ಕಳುಹಿಸಿಕೊಡಲು ಒಲ್ಲದ ಮನಸಿನ ಗಂಡ. ತವರಿಗೆ ಬಂದವಳಿಗೂ ರಾತ್ರಿ ನಿದ್ರೆಯಿಲ್ಲ. ಸುಮ್ಮನೆ ನಿಡುಸುಯ್ಯುವಿಕೆ, ನಿಟ್ಟುಸಿರು. ಈ ವರ್ಷ ಭಾರೀ ಮಳೆಯಾಗಿರುವುದರಿಂದ ಚಳಿಯೂ ಜಾಸ್ತಿಯೇ ಇರಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ ಹವಾಮಾನ ತಜ್ಞರು. ಮದುವೆಗೆ ಒಪ್ಪದ ಗರ್ಲ್‍ಫ್ರೆಂಡ್, ಡೈವೋರ್ಸ್ ಕೊಟ್ಟು ಮತ್ತೊಬ್ಬನೊಂದಿಗೆ ಓಡಿ ಹೋದ ಹುಡುಗಿಯ ಸಂಗಾತಿ, ಅವಳೆಲ್ಲೋ ಇವನೆಲ್ಲೋ ಆಗಿರುವ ವಿರಹಿಗಳ ಪಾಡು, ವ್ಯರ್ಥ ಕನಸುಗಳನ್ನು ಹೊದ್ದು ಕಣ್ತೆರೆದೇ ಮಲಗಿರುವ ಹುಡುಗಿಯ ಹೊರಳಾಟ.... ಹೇಳತೀರದ್ದು.

ಈ ಚಳಿಗಾಲದ ಶುರುವಿಗೆ, ನಿಮಗಾಗಿ, ಗಂಗಾಧರ ಚಿತ್ತಾಲರ ಮತ್ತೊಂದು ಕವಿತೆಯನ್ನು ಇಲ್ಲಿ ಕೊಡುತ್ತಿದ್ದೇವೆ. ನೃತ್ಯವೊಂದರಿಂದ ಪ್ರೇರಿತವಾದ ಹಾಡು ಇದು. ಬೇಗ ಚಳಿಗಾಲ ಮುಗಿಯಲಿ; ತಲ್ಲಣಿಸುವ ಎದೆಗಳ ಮುದುರಿದ ಜೀವಸೆಲೆಗೆ ಬಿಸಿಲ ಚುರುಕು ತಾಕಿ ಮತ್ತೆ ಚಿಗುರಿಕೊಳ್ಳಲಿ.

ಕಾಮಸೂತ್ರ (೨)

ಯೌವನಮತ್ತೆಯರು ನಾವು
ಕಾಮಮದೋನ್ಮತ್ತೆಯರು

ಬಾ ಪುರುಷನೆ ಬಾ ಗೆಲ್ಲು
ವೀರ್ಯ ಸೂಸು ವಶಗೊಳ್ಳು

ದೂಡಿ ಹೊಮ್ಮುತಿದೆಯೋ ಹರೆಯು
ದುಂಡುಮೊಲೆಯ ಮೊಗ್ಗಿನಲ್ಲಿ
ತೊಡೆಕಣಿವೆಯ ತಗ್ಗಿನಲ್ಲಿ

ಮೆಲ್ಲನೆ ತಿರುಗಲು ತಿರೆಯೂ
ಹೊಸ ಋತುವಿನ ಉಗ್ಗಿನಲ್ಲಿ
ತಡೆಯಲಾರದಂಥ ತ್ವರೆಯು
ನೆತ್ತರ ಈ ಹಿಗ್ಗಿನಲ್ಲಿ.

ಬಾ ಹೆದೆಗೇರಿದ ಬಾಣ
ನಿಮಿರುತ ನಿಗುರುತ ಚೆಲ್ಲುತ
ಬರುವಂತೆಯೆ, ಈ ಪ್ರಾಣ
ತೊನೆಯಿಸಿ ನೆನೆಯಿಸಿ ಬಾ ಬಾ

ಸುಖಸುಖಸುಖದೀ ಮಿಂಚು
ಸಂಚರಿಸಲಿ ಒಡಲಿನ ಒಳ ಒಳ ಅಂಚು

ದ್ರವಿಸುವೆವು ಸ್ರವಿಸುವೆವು
ನಿನ್ನಾಘಾತದ ಸುಖಕೆ
ಸಂತೃಪ್ತಿಯ ಸವಿಸುವೆವು
ಎತ್ತುತ ಮುಖವನು ಮುಖಕೆ.

ಉದರದಲ್ಲಿ
ಜೀವದ ಒಳಪದರದಲ್ಲಿ
ಒಂದೇ ಒಂದೇ ಬಯಕೆ
ಫಲಿಸೋ ಫಲಿಸೋ ಫಲಿಸು
ಜೀವರಸವನುಚ್ಚಳಿಸು
ಗುಹ್ಯವನೊಡೆ ಭೇದಿಸಿ ನಡೆ
ಆಂತರ್ಯದ ಸವಿಗೆ

ಹೊಸ ಪ್ರಾಣಾಂಕುರ ಮಿಳ್ಳಿಸಿ
ಒಡೆಯಲಿ ಈ ಭುವಿಗೆ.

Monday, March 26, 2007

ಕಾಮಸೂತ್ರ

  • ಗಂಗಾಧರ ಚಿತ್ತಾಲ

ಅಂದು ಬೆತ್ತಲೆ ರಾತ್ರಿ

ಅರಿವೆ ಇರಲಿಲ್ಲ ಪರಿವೆ ಇರಲಿಲ್ಲ
ಅರೆನಾಚಿ ಮರೆಮಾಚಿ ಸರಿವುದಿರಲಿಲ್ಲ
ಜೀವ ಝಲ್ಲೆನೆ ಪೂರ್ಣ ನಗ್ನರಾಗಿ
ಒಬ್ಬರಲ್ಲೊಬ್ಬರು ನಿಮಗ್ನರಾಗಿ
ಮೊದಲ ನಂದನದಲ್ಲಿ ಸೆಳೆದ ಹಸಿವು
ಮತ್ತೆ ಹೊಡಕರಿಸೆ ನಂದದಲೆ ತುಸುವೂ
ಕೊಂಬೆಕೊಂಬೆಗೆ ತೂಗಿ ಬೀಗಿ ಬಯಕೆಯ ಹಣ್ಣು
ಹೊಡೆಯೆ ಕಣ್ಣು

ತಡೆಯಲಾರದೆ ಬಂದೆವೆದುರುಬದುರು
ಮೈಯೆಲ್ಲ ನಡುಕ, ತುಟಿಯೆಲ್ಲ ಅದುರು
ಅಂದು ಬೆತ್ತಲೆ ರಾತ್ರಿ

ಏನು ಮಿದು ನುಣುಪು ಸರ್ವಾಂಗ ಸ್ಪರ್ಶ
ಉಗುರು ಬೆಚ್ಚಗೆ, ಹಗುರು, ಆಹಾ ಜೀವಂಕರ್ಷ
ಮೈಯ ತಬ್ಬಿತು ಮೈಯ ನಗುವು ಹರ್ಷ

ಗುಬ್ಬಕ್ಕಿ ಮೊಲೆ ಬಂದು ಮುದ್ದಾಡಿದುವು ಎದೆಗೆ
ಮಿದ್ದಿದೊಲು ತೊಡೆ ಬಂದು ತೆಕ್ಕೆಯಿಟ್ಟವು ತೊಡೆಗೆ

ತುಟಿಗೆ ತುಟಿ ಮುಟ್ಟಿಸಿತು ಎಂಥ ಮಾತು
ಕಂಠನಾಳದಲೆಲ್ಲ ನಾಗಸಂಪಗೆಯಂತೆ ಉಸಿರು ಹೂತು
ಬಾಯ್ತುಂಬ ಜೇನು, ಕೈತುಂಬ ಮೊಲೆಹೂ
ಮಗ್ಗುಲು ತಿರುವಿದಲ್ನೆಲ್ಲ ಸುಖದ ಉಲುಹು

ಬೆದೆಯ ಕಾವಿಗೆ ಸಿಕ್ಕು ಮೆತ್ತೆ ಮೆತ್ತೆ
ಬಿಗಿದಪ್ಪಿ ಮುತ್ತಿಟ್ಟು ಮತ್ತೆ ಮತ್ತೆ
ತುಟಿ ತೆರೆದು ಕಟಿ ತೆರೆದು ಎಲ್ಲ ತೆರೆದು
ಒಡಲ ಹೂವನ್ನರಸಿ ಹೊಕ್ಕು ಬೆರೆದು

ಇದು ಬಯಕೆ, ಇದು ಹಸಿವೆ, ಇದುವೆ ದಾಹಾ
ಒಂದೆ ಉಸಿರಿನಲ್ಲಿತ್ತು ಅಯ್ಯೋ ಆಹಾ

ಹೊಲದುದ್ದ ನಡೆದಿತ್ತು ನೇಗಿಲ ಮೊನೆ
ಬಸಿರೆಲ್ಲ ಬಿರಿದು ಜೊಲ್ಲುಕ್ಕಿ ಸುರಿದು
ಬಸಿದು ಹೊರಚೆಲ್ಲಿತ್ತು ಜೀವದ ಸೊನೆ
ಅಂದು ಬೆತ್ತಲೆ ರಾತ್ರಿ

ತೆರೆದೆ ಇದೆ ಬಾಗಿಲವು, ನೇರ ಒಳ ಬಾ ಎಂದೆ
ನನ್ನ ಎದೆಕದವನೂ ತೂರಿ ನೀ ಒಳಬಂದೆ
ಏನು ಸುಮಧುರ ಸಹಜವೀ ಪ್ರವೇಶ

ಬೇಕಾದ್ದ ತಿನು ಎಂದೆ
ನನ್ನ ತೋಳುಗಳಲ್ಲಿ ಇಡಿಯ ನೀನು
ಬೇಕಾದ್ದ ತಕೋ ಎಂದೆ
ನಿನ್ನ ತೋಳುಗಳಲ್ಲಿ ಇಡಿಯ ನಾನು

ಆ ಒಂದು ಗಳಿಗೆಯಲಿ ಏನು ಗೈದರು ಮಾಫಿ
ಕಾಡಿದರು ಬೇಡಿದರು ಹಿಡಿಹಿಡಿದು ಆಡಿದರು ಮಾಫಿ
ಸಂದಿಯಲಿ ಮೂಲೆಯಲಿ ಕೈಹಾಕಿ ಬೆದಕಿದರು,
ಯಾವ ಗುಟ್ಟನು ಕೆದಕಿದರು ಮಾಫಿ

ಬರಿಗೈಲೆ ಬಂದು ಪರೆಕಳಚಿ ನಿಂತು
ಬೇಕಾದ್ದ ತಿನಿಸಿ ಬೇಕಾದ್ದ ತಿಂದು

ಕೊಟ್ಟುದೆನಿತು ನಾವು ಕೊಂಡುದೆನಿತು
ಉಣ್ಣಿಸಿದುದೆನಿತು ಉಂಡುದೆನಿತು
ಕಣ್ಮುಚ್ಚಿಯೂ ಕೂಡ ಕಂಡುದೆನಿತು
ಮಾತಿಲ್ಲದೆಯೂ ಕೂಡ ಅಂದುದೆನಿತು

ಅಂದು ಬೆತ್ತಲೆ ರಾತ್ರಿ

ಒಡಲಿಗೊಡಲನು ಬೆಸೆದು ನಿನ್ನ ಬಳಿ ಸಾರೆ
ಏಕಾಂತ ಸಮ್ಮತಿಯ ಆ ಒಂದು ಕ್ಷಣದಿಂದೆ
ಈ ಜಗತ್ತೇ ಬೇರೆ.

ಯಾವ ಹಿಗ್ಗಿನ ಸೆಲೆಯೋ ನಮಗೆ ಸಿಲುಕಿ
ಇಳೆಯ ಮೂಲಕು ನಮ್ಮ ಬೇರು ನಿಲುಕಿ

ಭೂಗರ್ಭ ಸುರಿದಿತ್ತು ಜೊಲ್ಲುಬಾಯಿ
ನಾವಿಂದು ಮನುಕುಲದ ತಂದೆತಾಯಿ